كان درس قاسي

الواحد فعلا مش بيتعلم ببلاش وأنا مش عارف ازاي كده جريت ورا واحدة وأنا معرفش عنها حاجة.. والمصيبة الاكبر اني دمرت حياتي ولاغيت كل حاجة عشانها .. بس معلش ماهو انا اللي مغفل ... والحياة كلها كانت غموض في غموض... بس معلش ادينا اتعلمنا الدرس ودرس قاسي اوي كمان .. ولازم بجد الواحد يعرف كل حاجة عن اللي قرر انها تكون شريكت حياته.. والاهم انه يتأكد من مشاعرها نحيته وبلاش يجري ورا اوهام لأن الواقع بيكون اقوى وبتبقى بجد صدمة.     

الغربة بتغير ..!

الواحد مش عارف ليه وايه اللي بيحصله لما بيتغرب عشان خاطر الشغل وانو يكون نفسه ويدور على مستقبله .. الواحد كده بيحصله تجمد في عواطفه وبيفكر بس في لذات الدنيا ومتعتها .. وبيبقى مش عايز يفتكر اي حاجه من الماضي وبيدور دايما على كل حاجة جديدة بعيده عن الماضي .. هو  اللي بيتغرببيتغير كده في شخصيته واسلوبه ربنا يستر لما الواحد يطول كده هيعمل ايه.

مصيبة الكورة

ماتش كورة يتقلب مجزرة ويموت فيه ناس كتيرة كده وغير المصابين كل ده ليه ؟؟ وايه اللي بحصل في مصر أنا كنت بجد مصدوم اوي ومش مصدق ان الواحد يروح يتفرج على كورة عشان يتمتع يرجع متعور او اهلو يستلموا جثته وعايز افهم هو الامن كان فين ... والمسؤولين كانوا فين .. يعني جمهور الفرقة الكسبانة ينزل يعمل كل ده ليه ؟.. بجد حرام .. وبحترم جدا المبادرة اللي قاموا بيها الزمالك والاسماعيلي .. ورفضهم انهم يلعبوا الماتش بجد حركة تدل في نفس الوقت ان احنا ممكن في يوم من الايام نبقى ايد واحدة..

تايه في الظلام !!

أنا مش عارف بقى كده الدنيا موديني على فين ... الواحد وصل بجد لمفترق الطرق ... ولازم أختار .. بس اختار ازاي وأنا محتار .. حاسس اني تايه في طريق وقدامي حلين بس في كلا الحلين الطريق ضلمة ومش باين منه حاجة ... هو ده الاحساس اللي انا حاسه بالضبط ونفسي الاقي حل يريحني ويخلصني من الحيرة اللي انا فيها دي لاحسن أنا هتجنن خلاص ...

شعوري نحيتك

ما أشعر به ,, هو شعور جميل جدا فما أحلى أن تشعر بالارتياح كلما نظرت اليها وأن تحب دائما وقتك معها ,, وتتمنى رؤيتها دوما ,, أعلم انه أشبه بالحلم لكني أتمنى استمراره وعدم توقفه ابدا... وأحب دائما الوضوح معك ولا احب الغموض لأن الوضوح هو اساس الحب والاشتياق ,,  وعندما تظهري مجددا فكأن الشمس تشرق وتنير وجهي أنا فقط. ...

وهذه هي مشاعري اتجاهك ,, اوجزتها لكي في هذه الرسالة ,, لكن يبقى سر لم اخبرك عنه ,, سأخبرك عنه في رسائل لاحقة .

انشاء الله مصر بخير

كل اللي بتمناه من ربنا هو ان المصريين يبقوا ايد واحدة ويتعاونوا على التطور والتقدم بالبلد في كل المجالات اهمها الصحة والتعليم وعشان ده يحصل مش هينفع نرمي الحمل على المسؤول بس ده لازم  نشتغل كلنا سوى ونساعد على تحقيق كل احلام المصريين عشان احنا شعب كبير اوي ونستاهل نبقى احسن دول العالم ده احنا ام الدنيا .. وانشاء الله ربنا هينصرنا وهيحفظ مصر من اي مكروه. والثورة تنجح وتحقق مطالبها.

سنة أولى ثورة ..!

بصراحة أنا مش عارف ليه التأخير في تحقيق مطالب الثوار .. ده فات سنة م ومافيش اي حاجة حصلت ... وكمان دم الشهداء ده هيروح كده هدر دي حاجة ماترديش حد بصراحة.. والناس لازم تعتصم لحد ما ينتصروا ويحققوا احلام الحرية اللي مات عشانها شباب زي الورد... وبعدين هما مالهم ماسكين في السلطة وبيطأخروا في المحاكمات كده ليه ... والله حرام بقى انا نفسي مصر تبقى زي ما كنت بحلم ..ربنا يستر ويجل مص هي امن وامان العالم انشاء الله ...